Еңбек кодексіне сай, қызметкердің қайтыс болуы еңбек шартын бұзуға негіз болады. Бұл ретте жыл сайынғы ақы төленетін еңбек демалысын немесе оның күндерін пайдаланбаған қызметкерге ол үшін өтемақы төленеді.
ҚР Азаматтық кодексінде мұра ретінде мұра қалдырушыға тиесілі мүлік, сонымен қатар өмір сүруі оның қайтыс болуымен тоқтамайтын құқықтар мен міндеттер кіретіні белгіленген.
"Бұл ретте, ең әуелі, заң бойынша мұраға құқықты мұра қалдырушының балалары (оның ішінде ол қайтыс болғаннан кейін де туған балалары), мұра қалдырушының жұбайы мен ата-анасы тең үлесте алады", - деп қорытындылады Әділет министрлігі.