Әлеуметтік желіде бір топ жасөспірімнің төмен сыныптағы баланы тепкілеп, басынан ұрып, үстіне секіргені түсірілген видео тарады. Күші тасығандар баланы аяусыз әрі агрессивті түрде мазақ етеді.
Абай облыстық полиция департаменті аталған факті бойынша қылмыстық іс қозғалғанын мәлімдеді.
"Ол арадағылардың барлығының жеке басы түрде анықталып, ата-аналарымен бірге полиция бөліміне жеткізілді. Жасөспірімдер полицияға есепке қойылады. Олардың мінез-құлқын кәмелетке толмағандардың құқықтарын қорғау жөніндегі облыстық комиссия қарайды. Ата-аналар балаларын тәрбиелеу жөніндегі міндеттерді тиісінше орындамағаны үшін қатаң жауапкершілікке тартылады", – дейді тәртіп сақшылары.
Сондай-ақ, оқу орнының әкімшілігіне қатысты оқиғаның орын алуына ықпал ететін себептер мен жағдайларды жою туралы ұсыныс енгізілетіні де нақтыланады. Іс жүргізу барысы өңір ПД басшылығының ерекше бақылауында.
Айта кетсек, Астанада 8-сынып оқушысы қатарласын электрошокермен талдырған.