Әділет министрлігінің басшысы бірінші президенттің ерекше мәртебесіне қатысты барлық сілтемелер Конституциядан алынып тасталғанын еске салды.
«Соған сәйкес, отандық заңнаманы Конституцияға сәйкестендіру жұмыстары жүргізілуде». Қанат Мусин
Бұл ретте министр заңның қай уақытта тоқтатылатынын нақты айтпады.
"Заң, әрине, Конституцияға сәйкестендіріледі. "Тұңғыш Президент туралы" заң - күшін жоғалтты деп тану туралы шешім қабылданады.Жұмыс жүйелі жүргізілуде, әзірге мерзімдер жоқ, бірақ заң шығару бастамасы тек үкіметке ғана емес, ол президент пен Парламент депутаттарына да тиесілі». Қанат Мусин
Шешім депутаттардың бастамасымен де қабылдануы мүмкін екенін түсіндірді. Бірақ әзірге мұндай заң жобасы Әділет министрлігіне Парламенттен түскен жоқ, келіп түскен соң пысықталатын болады.
Бұған дейін Мәжіліс депутаты Ерлан Саиров парламент қабырғасында түзетулер аясында заңнамалық актілерді Конституцияға сәйкестендіру үдерісі жүріп жатқанын айтқан болатын. Оның айтуынша, осыған байланысты «Елбасы туралы» заң жыл соңына дейін тоқтатылады.