Ақорданың Telegram арнасы алдымен Қасым-Жомарт Тоқаевтың саммитке қатысу үшін Kazan Expo халықаралық көрме орталығына келгенін көрсетті.
Баспасөз қызметі сонымен қатар қатысушылардың БРИКС+ саммитінде бірге суретке түскен сәттерімен бөлісті.
Еске салайық, Қасым-Жомарт Тоқаев Владимир Путиннің шақыруымен 2024 жылғы 23 қазанда БРИКС мемлекет басшыларының XVI саммитіне қатысу үшін Қазан қаласына жұмыс сапарымен келді. Мемлекет басшысы саммитке қатысушылармен, соның ішінде ҚХР Төрағасы Си Цзиньпинмен және Әзірбайжан Президенті Ильхам Әлиевпен бірқатар әңгімелесті.