Бұл тағайындау бүгін, 2025 жылғы 1 сәуірде Ақорданың баспасөз қызметінің хабарламасында белгілі болды.
"Мемлекет басшысының өкімімен Ерлан Жақыпұлы Сүттібаев Қазақстан Республикасы Президенті Іс басқарушысының орынбасары лауазымына тағайындалды", – деп жазылған ресми хабарламада.
Бұдан бұрын хабарланғандай, "Қазақстан қор биржасы" АҚ (KASE) директорлар кеңесі 2025 жылдың 31 наурызынан бастап Әділ Мұхамеджановты басқарманың жаңа төрағасы етіп тағайындады. Биржаның мәліметінше, Мұхамеджановтың Қазақстанның қаржы секторында 20 жылдан астам тәжірибесі бар.
