Ақтау әуежайынан танымал спортшыны күтіп алған сәттің видеосын Lada.kz жариялады. Видеода әйгілі спортшының ұшақтан баспалдақпен түсіп келе жатқанын көруге болады. Басылымның мәліметінше, ұшақ Мәскеуден ұшып жеткен.
Бұған дейін Ақтау қаласына Хабиб Нурмагомедовтың үлкен ағасы-Магомед келген болатын. Хабиб Нурмагомедовтың өзі де видео үндеу жолдап, өзінің Ақтауға келіп жеткенін хабарлады.
Халықаралық турнир аясында 11-15 шілде аралығында Ақтау жағалауында Naiza – Naiza Sport Week қазақстандық күрес лигасының апталығы өтті. Мұнда ашық жаттығулар, чемпиондар мен олардың жаттықтырушыларының қатысуымен мотивациялық кездесулер, танымал спортшылардың шеберлік сағаттары ұйымдастырылды. Олардың арасында UFC файтері, Dar Team командасының мүшесі – Шавкат Рахмонов, Dar Team жаттықтырушылары – Азиз Разыев және Эдуард Базров та бар.