Головкин өз командасына алғысын білдірді

Геннадий Головкин мен мексикалық боксшы Сауль Канело Альварес арасындағы үшінші жекпе-жек Қазақстан уақытымен 18 қыркүйекте өтті. Мексикалықтан жеңілген GGG командасына алғысын білдірді, деп хабарлайды Zakon.kz.

Головкин өз командасына және әрқашан оның жанынан табылатындарға барлық атқарған жұмысы үшін алғыс айтты.

Өз командама атқарылған жұмыстар үшін және қашанда жанымнан табылып, қолдау білдірген жанкүйерлеріме алғыс айтамын, - деп жазды Геннадий Головкин Instagram-дағы парақшасына.

Спортшы парақшасында командасымен түскен фотосын бөлісті.

18 қыркүйек күні таңертең Лас-Вегаста қазақстандық Геннадий Головкин мен мексикалық Сауль Канело Альварес арасында үшінші жекпе-жек өтті. Кездесу бірауыздан қабылданған шешіммен Канелоның пайдасына аяқталды. Осылайша мексикалық супер орта салмақтағы WBC, WBA, IBF және WBO әлем чемпиондық титулдарын қорғады.

Головкин-Канело трилогиясының бірінші жекпе-жегінде тартысты тең нәтиже тіркелсе, екінші жекпе-жекте төрешілер көпшіліктің шешімімен жеңісті мексикалыққа берген еді

АҚШ Головкин Геннадий
Жаңалықтан zakon.kz сайтында хабардар болыңыз: