Кубалық боксшымен жекпе-жегіңізде бүкіл қазақстандық жанкүйер Сізге тілекші болды. Бәсеке болған жерде жеңіс пен бірге сәтсіздіктің де болатыны заңдылық. Ең бастысы – деннің саулығы. Тезірек сауығып, ортамызға оралып, отандық бокстың дамуына үлесіңізді қоса беретініңізге сенім білдіремін, – деп жазылған жеделхатта.
Бұған дейін Suleimen Promotions компаниясы Айдос Ербосынұлының жағдайы туралы ресми мәлімдеме жасады.
"Әлем чемпионы атағы үшін өткен жекпе-жектен кейін Айдос Ербосынұлы Миннеаполистегі ең үздік клиникаға орналастырылды. Дәрігерлердің айтуынша, өміріне қауіп жоқ, ол екі аптаға жуық бақылауда болады", - деп хабарлады қазақстандық спортшының промоутері.