Финалда қазақстандықтар Ноеми Базилетти / Гая Мадуззи итальяндық дуэтін 6:1, 6:4 есебімен жеңді. Соня мен Асылжан үшін бұл екінші бірлескен атақ. Ақпан айында қазақстандықтар Каирде бірінші санаттағы турнирде жеңіске жетті.
Жекелей сында Соня Жиенбаева финалға жетіп, украиналық Елизавета Котлярдан 3:6, 2:6 есебімен жеңіліп қалды. Италияда сәтті өнер көрсетудің арқасында Соня жаңартылған әлемдік жасөспірімдер рейтингінде өзі үшін рекордтық 22-ші орынға көтеріледі.
Айта кетейік, 19 мамырда әйгілі "Джиро д'Италия-2024" велокөпкүндігінің басталуына Astana Qazaqstan Team-дің бес өкілі ғана шықты. 25 жастағы қазақстандық Вадим Пронский ауруына байланысты тізімге енбей қалды.