Айта кету керек, бұл жекпе-жектің алдындағы екінші баспасөз мәслихат. Маусым айына жоспарланған ойын Артурдың жарақатына байланысты қазанға ауыстырылған болатын.
Дәстүр бойынша қалың елдің алдында екі спортшы көзқарас дуэльіне шықты.
"Кәсіби боксқа келгенде мен өз салмағымның ең үздігі болуды мақсат еттім. Бұл жекпе-жек менің сол мақсатыма жетудің соңғы қадамы". Дмитрий Бивол
Өз кезегінде WBC, IBF және WBO-ның 39 жастағы жеңіл салмақтағы чемпионы Артур Бетербиев көпшілікке алғысын білдірді.
"Осы жекпе-жекті ұйымдастырушыларға, өз командама, менің қарсыласыма және оның құрамасына, сондай-ақ промоутерлерге алғыс айтқым келеді. Бұл төртінші белбеуді алу кәсіби бокстың шыңына жеткенді білдіреді. Мен өз қоржыныма осы белбеуді қосуға дайынмын". Артур Бетербиев
Бивол мен Бетербиев те әлі күнге жеңіліс тауып көрмеген, сондай-ақ екеуі де әлем бойынша үздік 10 боксшының қатарына кіреді.
Бұл көптен күткен жекпе-жек 1 маусымда өтуі керек еді. Алайда, Артурдың жарақатына байланысты уақыт өзгертілді.
Енді олардың бақ сынасуы Сауд Арабиясында 12 қазанға жоспарланған.
