Ведомство мәліметінше, Мысырдың Каир қаласында 3-9 желтоқсан аралығында Пара жүзуден әлемдік кезең өтеді. Жарысқа әлемнің 15 елінен 150 спортшы қатысады. Ел намысын 5 отандасымыз қорғайды.
Ал, 3-10 желтоқсан аралығында гандболдан Азия чемпионаты Үндістанда, Нью-Дели қаласында өтпек.
Сондай-ақ, еліміздің 8 спортшысы Сербияның Нови-Сад қаласындағы додада бақ сынамақ. Спорттық гимнастикадан халықаралық турнир 4-10 желтоқсан аралығына ұйымдастырылған.
Семсерлесуден халықаралық "Гран-При" турнирі болса, 5-7 желтоқсан аралығында Францияда жоспарланған.
Дзюдодан Grand Slam турнирі 5-8 желтоқсан аралығында өтеді. Қазақстандық 6 балуан қатысатын жарыс Токио қаласына болады.
Сондай-ақ, дәл осы уақытта республикалық құсбегіліктен турнир ұйымдастырылған. Еліміздің барлық өңірінен 70 спортшы қатысатын дода Алматы қаласында болмақ.
Бахрейндегі ауыр атлетикадан әлем чемпионаты 6-15 желтоқсан аралығына жоспарланған. Әлемдік додада 5 спортшымыз сынға түседі.
Бұған дейін Әмір Омарханов Мексикадағы беделді турнирдің чемпионы атанғаны хабарланған болатын.
