Бетербиев Сауд Арабиясында өтетін Биволмен қарымта қайтару жекпе-жегінде чемпиондық белбеулерін қорғайды.
"Менің бүкіл әлемге жолдауым. Біздің жекпе-жекті жіберіп алмаңыз, бұл айрықша айқас болады",- деді Бетербиев баспасөз мәслихатында.
Бұған жауап ретінде Бивол Бетербиевке алғысын білдірді.
"Маған рематч берген Бетербиевке рахмет. Мен рингке шығып, жеңімпаз атанамын. Барлық спортшылар әрқашан жеңіске жетуді қалайды, бұл біздің құмарлығымыз. Мен өткен жолы жеңіске жетпедім, бірақ бұл жолы бірдеңені өзгерткім келеді",-деді Бивол.
Боксшылар арасындағы алдыңғы жекпе-жек өткен жылдың 12 қазанында Эр-Риядта (Сауд Арабиясы) өтті, онда кездесу Артурдың жеңісімен аяқталды.
Бұған дейін Бибісара Асаубаеваның Монакодағы Гран-придің кезекті кездесуінде жеңіліс тапқандығы хабарланған болатын.