Ерасыл Қажыбаев Grand Slam турнирінің бас жүлдесіне таласта қарсыласына жол беріп алды

Қазақстан құрамасының балуаны Ерасыл Қажыбаев дзюдодан Астанада өткен Qazaqstan barysy Grand Slam турнирінің финалында күміс медаль иеленді, деп хабарлайды Zakon.kz.

Ол 100 келіден жоғары салмақ дәрежесінде екінші орынды иеленді.

Финалдық белдесуде Қажыбаев жапониялық Хега Отаға жол берді.

Осылайша, Қазақстан құрамасы елордада өткен Grand Slam турнирінде барлығы тоғыз медаль жеңіп алды (үш күміс және алты қола).