Аргентиналық жартылай қорғаушы алматылық клубтан кетеді.
"Рақмет, Себа! Аргентиналық жартылай қорғаушы Себастьян Себальос тараптардың өзара келісімі бойынша "Қайраттан" кетеді, – делінген клубтың баспасөз қызметі хабарламасында.
Себальос осы жылдың басында "сары-қаралар" сапын толықтырғаны нақтыланды.
"Себастьян "Қайрат" сапында барлығы 11 матч өткізіп, бір нәтижелі пас берді", – деп хабарлады клубтың баспасөз қызметі.
"Қайрат" ФК Себастьянға команда жетістіктеріне қосқан үлесі үшін алғыс айтып, алдағы мансабына сәттілік тіледі.