Айбек Оралбай бокстан Азия ойындарының чемпионы атанды

Сурет: Instagram/boxingkazakhsta
2 қазанда бокстан Қазақстан құрамасының капитаны Айбек Оралбай Жапонияның Айти–Нагоя қалаларында өтіп жатқан XX жазғы Азия ойындарында жеңіске жетіп, ел қоржынына 11-ші алтын медальді салды, деп хабарлайды Zakon.kz.

Азиада-2026 финалында 90 келіден жоғары салмақ дәрежесінде өнер көрсететін қазақстандық боксшы өзбекстандық Жахонгир Зокировпен жұдырықтасты. Үш раундтың қорытындысы бойынша Айбек қарсыласынан басым түсті.

Бұл – Қазақстан бокс құрамасының биылғы Азия ойындарындағы екінші алтын медалі. Күндізгі сессияда Төрехан Сабырхан да осы жарыстың чемпионы атанған еді.

70 келіге дейінгі салмақ дәрежесінің финалында Төрехан Сабырхан иорданиялық Зейад Ишаишті 5:0 есебімен жеңді.

Жалпы, қазақстандық боксшылар бұл турнирде бес медаль жеңіп алды. Оның екеуі – алтын, үшеуі – қола. Наталья Богданова, Алуа Балқыбекова және Махмұд Сабырхан жеңіс тұғырының үшінші сатысына көтерілді.

Айти–Нагояда өтіп жатқан XX жазғы Азия ойындары 4 қазанға дейін жалғасады.

Қазақстан
Алматы облысы
Шымкент
Астана

Оқи отырыңыз

Жаңалықтан zakon.kz сайтында хабардар болыңыз:

Танымал жаңалықтар

Студенттің қазасынан кейін ҚазҰУ-де кешенді тексеру жүргізіледі

Әл-ауқатты бағалау калькуляторы қалай жұмыс істейді және пайдаланушылар нені білуі керек

Сабақтан қалу ерекше бақылауға алынады: Қазақстанда 21 қарашадан бастап жаңа ережелер енгізіледі

"Balapan"-ның күзгі базарлығы

Астанада жұмысшыларға шалшық су шашып кеткен жүргізуші 10 тәулікке қамалды