Air Astana 10 тамызда Air Astana мен FlyArystan әуекомпанияларының бірнеше рейсінің техникалық, ауа райы жағдайы, құстардың соққысы және түнде Шымкенттегі 28-қону алаңының жабылуы сияқты түрлі себеппен кейінге қалдырылғанын хабарлады.
"11 тамызда да рейстер кешігуі мүмкін", - делінген хабарламада.
Компанияда тасымалдаушының кінәсінен рейс тоқтаған немесе кешіккен, тасымалдау бағыты өзгерген жағдайда авиакомпания 4 сағаттан соң ыстық тамақпен және 2 сағаттан соң сусынмен қамтамасыз ететінін ескертті.
"Егер рейс күндіз сегіз сағаттан, түнде алты сағаттан астам уақытқа кешіксе, қонақүйде тұру және әуежайдан қонақүйге және кері трансфер қамтамасыз етіледі", - деп хабарлады компания.
Тасымалдаушының кінәсінен рейс бес сағаттан астам мерзімге тоқтаған немесе кешіккен жағдайда жолаушының таңдауы бойынша тасымалдаушы жолаушыны келесі рейспен шартта көрсетілген межелі жерге тасымалдауды қамтамасыз етеді немесе жолаушыға билеттің толық құнын қайтарады.
