20 қаңтардағы түскі саудада доллар арзандады
![Валюта бағамы анықталды, Доллардың құны өткен жылы әлсіреді, сурет - Zakon.kz жаңалық 20.01.2023 16:18](https://kaz.zakon.kz/pbi/WEBP/2023-12-20/file-e39805e9-8ed0-4ead-9a90-fae09c7284c0/800x450.webp)
Қазақстан қор биржасы (KASE) 15:30-дағы жағдай бойынша доллардың орташа сараланған бағамы 0,30 теңгеге төмендеп, 462,55 теңгені құрағанын мәлімдеді, деп хабарлайды Zakon.kz.
Қытай юанінің орташа сараланған бағамы төмендеп, 68,10 теңгені (-0,15) құрады.
Еуро мен рубль бойынша сауда болған жоқ. Еуро бағамын Ұлттық банк 501,04 теңге, рубльді 6,73 теңге деп белгіледі.
Ақша айырбастау орындарында доллар 462-465,6 теңге, еуро 501-506 теңге, ресей рублі 6,45-6,7 теңге аралығында сатылуда.
Ал 20 қаңтардағы сауда барысында әлемдік мұнай бағасы көтеріліп жатыр.
Осылайша, Лондонның ICE Futures биржасында Brent маркалы мұнайдың наурыз фьючерстерінің құны 0,12%-ға қымбаттап, барреліне 86,26 долларды құрады.
Нью-Йорк тауар биржасында (NYMEX) электронды саудада ақпан айындағы WTI маркалы мұнай фьючерстерінің бағасы барреліне 0,21%-ға өсіп, 80,5 долларды құрады.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript