Инфляцияға қарсы мемлекеттік саясат инфляцияны тежеу тұрғысында әсер етеді - ҰБ
Сурет: Zakon.kz/Михаил Золотухин
Оның айтуынша, Ұлттық банктің тоқсан сайын жариялайтын баяндамасында инфляцияға ықпал ететін негізгі факторларды талдау, сондай-ақ қысқа мерзімді және орта мерзімді перспективалардағы макроэкономикалық параметрлердің болжамы қамтылған.
Сондай-ақ баяндамада сауда саласындағы серіктес елдердің экономикалық белсенділігі мен инфляция, мұнай нарығында қалыптасқан қазіргі жағдай, фискалдық саясат, экономиканың жай-күйіне әсер ететін факторлар мен еңбек нарығындағы негізгі үрдістер секілді мәселелер жан-жақты қарастырылғаны айтылады.
Макроэкономикалық жағдайлар. 2022 жылғы ақпан айының қорытындысы бойынша, 2021 жылдың аяғында баяулаған жылдық инфляция 8,7%-ға дейін қарқын алды. Инфляциялық процестердің артуына инфляцияны құраушы заттардың барлығына дерлік бағаның өсуі ықпал етті. Азық-түлік өнімдері мен азық-түлікке жатпайтын тауарлар бағасының жылдық өсу қарқыны, тиісінше, 10%-ға және 8,6%-ға дейін жеделдеді. Бір жылда ақылы қызметтер құны 7,1%-ға артты. ҚР ҰБ ақша-кредит саясаты департаментінің директоры Рүстем Оразалин
Ол тұтынушылық сұраныстың іс жүзіндегі көлемі үй шаруашылықтарын тұтынудың тұрақты түрде өсуі байқалған 2019 жылғы дағдарысқа дейінгі деңгейге қайта оралғанына баса тоқталды.
2021 жылдың төртінші тоқсанында еңбек нарығындағы ахуал тұрақтанды. Жұмыс күшінің саны артты, оның құрылымында жұмыспен қамтылғандар саны өсті және жұмыссыз тұрғындардың үлесі төмендеді. Бұл жағдайда жұмыссыздық деңгейі өзгеріссіз қалды және ол 4,9%-ды құрады.
Макроэкономикалық жағдайды дамыту перспективалары
Болжамдар бойынша, әлемдік экономиканың анағұрлым әлсіздеу дамуына душар ететін геосаяси жағдайдың нашарлауына байланысты ЖІӨ-нің өсіміне қарай бағаларды төмендету үшін қайта қаралды. Экономикалық өсімге мұнай бағасының жоғары болуы, сауда және көлік ағындарының Қазақстанның пайдасына қарай күтілетін қайта құрылымдануы, бюджет шығыстарының ықтимал өсуі, сондай-ақ эпидемиологиялық жағдайдың жақсаруы ықпал ететін болады.
Инфляцияға қатысты болжамдар жоғарылау жағына қарай қайта қаралды. Инфляцияның қалыптасу тәуекелі 2022-2023 жылдардағы нысаналы дәлізден едәуір артты. Геосаяси тәуекелдерді іске асыру, жеткізу тізбегіндегі проблемалардың шиеленісуі, азық-түлік пен энергия ресурстары бағасының өсуіне байланысты әлемде сыртқы инфляциялық қысымның күшеюі, валюта бағамының әлсіреуі инфляцияның неғұрлым жоғары динамикасының басты себебі болады.Рүстем Оразалин
Болжам көкжиегінде инфляцияға қарсы мемлекеттік саясат инфляцияны тежеу тұрғысынан әсер ететін болады, оның ішінде реттелетін тұрғын үй-коммуналдық қызметтерге, бензин мен дизель отынына бағаның өсуіне енгізілген мораторий да бар. Қосымша дезинфляциялық әсерді тұтынушылық сұраныстың анағұрлым ұстамды динамикасы қамтамасыз етеді.
