Қазақстанда ақшалай жинақталып қалған рубль мәселесінің шешімі табылды – Ұлттық банк

Жоба, сурет - Zakon.kz жаңалық 15.06.2022 19:21

Сурет: pixabay

ҚР Ұлттық банкі екінші деңгейлі банктерде артылған ресейлік қолма-қол ақша мәселесін шешу үшін құжат жобасын әзірледі, деп хабарлайды Zakon.kz.

Қазақстан Ұлттық банктің мәліметінше, қазіргі уақытта екінші деңгейлі банктерде ішкі валюта нарығындағы сұраныстан асатын көлемде қолма-қол Ресей рублінің жинақталып қалғаны байқалады. Бұл Қазақстан Республикасынан қолма-қол шетел валютасын әкету бойынша қолданыстағы шектеулерге байланысты.

Ұлттық банк аталған мәселені шешу үшін, 2022 жылғы 15 шілдеден бастап 2022 жылдың 31 тамызына дейінгі аралықта екінші деңгейлі банктердің қолма-қол Ресей рублін бір реттік тәртіппен әкетуге рұқсат көзделген құжатты әзірледі. Бұл ретте сома 2022 жылғы 15 маусымдағы жағдай бойынша кассалардағы қалдық шегінде болуға тиіс.

Ұлттық банктің хабарлауынша, рұқсат қолма-қол рубльдерді қолма-қол ақшасыз формаға айырбастау үшін және банктердің корреспонденттік шоттарын толықтыру мақсатында енгізіледі.

Оқи отырыңыз