19 қыркүйектегі саудада доллар бағамы 471 теңгеден асты

Теңге, доллар, еуро, рубль, юань, мұнай, сурет - Zakon.kz жаңалық 19.09.2023 16:00

Сурет: freepik

Қазақстан қор биржасының (KASE) мәліметінше, 15:30-дағы жағдай бойынша доллардың орташа сараланған бағамы тағы 1,67 теңгеге қымбаттап, 471,45 теңге болды, деп хабарлайды Zakon.kz.

Қытай юанінің орташа сараланған бағамы 64,52 теңгеге (+0,22) дейін өсті.

Еуро бағамын Ұлттық банк 500,8 теңге, рубльді 4,87 теңге деп белгіледі.

Ақша айырбастау орындарында доллар 470,5-473,5 теңге, еуро 503,5-507,5 теңге, ресей рублі 4,81-5,01 теңге аралығында саудаланып жатыр.

19 қыркүйектегі сауда барысында әлемдік мұнай бағасы да көтеріле түсті.

ICE Futures электрондық саудасында Brent маркалы мұнайдың қараша фьючерстерінің құны 0,77%-ға өсіп, барреліне 95,16 доллар болды.

Айта кетерлігі, Brent маркалы мұнай 2022 жылғы 15 қарашадан бері алғаш рет 95 доллардан асты.

NYMEX электрондық саудасында WTI маркалы мұнайдың қарашадағы фьючерстері 1,13%-ға өсіп, барреліне 91,60 доллар болды.

Оқи отырыңыз