Қазақстан азаматтары 2023 жылы шетелге қанша миллиард теңге аударды

Ұлттық банктің мәліметінше, 2023 жылы халықаралық ақша аударымдары жүйелері арқылы жүргізілген ақша аударымдарының жиынтық көлемі 1,33 трлн теңге болды. Бұл 2022 жылғы көрсеткіштен 26%-ға төмен (төмендеу, көбіне, алынған аударымдардың көлеміне қарай белгіленеді).

"Операциялардың 95% көлеміндегі елеулі үлесі – Қазақстан мен басқа елдер арасындағы трансшекаралық ақша аударымдарына тиесілі. Халықаралық ақша аударымдары жүйелері арқылы жүргізілген жиынтық түріндегі ақшалар көлемінің 72%-ын шетелге жіберілген аударымдар құрады. Олардың жалпы сомасы 2023 жылы 961,4 млрд теңгеге жетті. Бұл аударымдардың шамамен 80%-ы "Золотая Корона" жүйесі арқылы жүзеге асырылды. Қазақстаннан шетелге жүргізілген бір аударымның орташа сомасы – 372,2 мың теңге", делінген хабарламада.

Осы халықаралық ақша аударымдары жүйелері арқылы аударылған ақшаны алушы негізгі елдер: 

• Өзбекстан (27,5%),
• Ресей (25,1%),
• Түркия (23,1%),
• Грузия (9,6%)
• Қырғызстан (3,4%).

"Жиынтық көлемнің 23%-ы шетелден алынған ақша аударымдарынан тұрады. Олардың көлемі осы кезеңде 305,8 млрд теңгеге жетті. Бұл операциялардың едәуір бөлігі "Золотая Корона" мен "Вестерн Юнион" төлем жүйелеріне тиесілі". ҚР Ұлттық банктің баспасөз қызметі

Шетелден Қазақстанға жүргізілген бір аударымның орташа сомасы 282,3 мың теңге болыпты.

Бұл аударымдарды жөнелтуші негізгі елдер: 

• Ресей (35,3%),
• АҚШ (11,0%),
• Өзбекстан (11,0%),
• Оңтүстік Корея (10,7%)
• Түркия (6,4%).

Оқи отырыңыз

Жастарға арналған 5 млн теңгеге дейінгі жеңілдетілген несиені қалай алуға болады

18:54, 19 сәуір 2024

Наурызда ел өңірлерінде тауарлар бағасы қаншалықты өсті

17:53, 16 сәуір 2024

Несиеден ерікті түрде бас тарту ақпаратын банктер мен МҚҰ есепке алатын болады

16:26, 03 сәуір 2024