14 сәуірдегі саудада доллар бағамы тағы өсті

Қазақстан қор биржасында (KASE) 2026 жылғы 14 сәуір күні сағат 15:30-да шетел валюталары бойынша күндізгі сауда-саттық аяқталды, деп хабарлайды Zakon.kz.

Сауда қорытындысы бойынша доллардың орташа өлшенген бағамы 476,97 теңгені құрап, тағы 1,92 теңгеге қымбаттады.

Ресей рублінің бағамы 6,29 теңгеге дейін көтерілді (+0,08).

Қытай юанінің күндізгі саудадағы бағамы 70,20 теңге деңгейінде қалды (+0,80).

Айырбастау пункттерінде доллар 475,5–477,7 теңге аралығында саудалануда, еуро – 557,9–563,4 теңге, рубль – 6,16–6,28 теңге деңгейінде саудаға түсуде.

Әлемдік мұнай бағасы 14 сәуірде төмендеді.

Атап айтқанда, ICE Futures электрондық саудасында Brent маркалы мұнайдың маусымдық фьючерстері 0,74%-ға арзандап, барреліне 98,62 доллар болды.

NYMEX биржасындағы мамыр айына арналған WTI мұнай фьючерстері 2,50%-ға төмендеп, 96,60 долларды құрады.

Таңертең Ұлттық банк доллар бағамын 474,9 теңге, еуроны 555,3 теңге, рубльді 6,13 теңге деңгейінде белгіледі.