Мас жолаушы Алматы әуежайының қызметкеріне шабуыл жасады

Сурет: Zakon.kz

Алматы халықаралық әуежайының қызметкеріне мас жолаушы шабуыл жасады. Көліктегі полиция департаменті бұл факті бойынша сотқа дейінгі тергеу басталғанын мәлімдеді, деп хабарлайды Zakon.kz

Алматы әуежайының қызметкеріне тіл тигізіп, жанжал шығарған құқық бұзушыға ҚР Қылмыстық кодексінің 293-бабы, 1-бөлімі бойынша әуежайдағы желілік полиция бөлімінің қызметкерлері сотқа дейінгі тергеу амалын бастады.Көліктегі полиция департаменті баспасөз қызметі

Сонымен қатар ер адамға Әкімшілік құқықбұзушылық кодексінің 440-441-бабы бойынша айыппұл салынды. Дәлірек айтқанда «Алкогольдік ішімдіктерді ішу немесе қоғамдық орындарға мас күйде келу» және «ҚР заңнамасында белгіленген жерлерде темекі өнімдерін тұтынуға тыйым салуды бұзу» бойынша айыппұл салынып отыр.

Медициналық сараптаманың қорытындысына сай, 40 жастағы жолаушы жеңіл дәрежелі алкогольдік масаң күйде болған.

Сонымен қатар мас ер адам авиациялық қауіпсіздік жөніндегі аға инспекторға дөрекі әрекет етіп, оны қорқытқан.

Оқи отырыңыз