Мәжілістің жаңа депутаты Константин Авершин ант қабылдады

Мәжілістің жаңа депутаты Констанстин Авершин Қазақстан халқына ант берді, деп хабарлайды Zakon.kz.

Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарын бұлжытпай орындауға, маған жүктелген депутаттық жоғары міндеттерді адал атқаруға ант етемін, – деді Константин Авершин Мәжіліс палатасының жалпы отырысында.

Мәжіліс төрағасы Ерлан Қошанов жаңадан сайланған депутатты құттықтап, қызметіне сәттілік тіледі.

Айта кетейік, Константин Авершин Мәжілістің Халықаралық істер, қорғаныс және қауіпсіздік комитетінде жұмыс істейтін болады.