Теңге әлі теңселіп тұр – Ұлттық банк

Сурет: Zakon.kz

Сәуір айында әлемдік қаржы нарығындағы құбылмалылыққа қарамастан ұлттық валюта бір долларға 445,62 теңгеге немесе 4,6%-ға нығайды, деп хабарлады ҚР Ұлттық банкінің төрағасы Ғалымжан Пірматов, деп хабарлайды Zakon.kz.

Сәуір айында шетел валютасына сұраныстың айтарлықтай төмендеуі байқалды. Қазақстан қор биржасындағы орташа күндік сауда көлемі 179 миллион доллардан 92 миллион долларға дейін төмендеді. Ғалымжан Пірматов

Оның айтуынша, валюта нарығы квазимемлекеттік сектор субъектілерінің валюталық түсімдерді сатуы арқылы қолдау тапты - шамамен $253,2 млн.

Сәуірде Ұлттық қордан республикалық бюджетке трансферттерді қамтамасыз ету бойынша шетел валютасын сату 168,3 млн долларды құрады. Ұлттық қордан түскен сату үлесі жалпы сауда көлемінің 8,7%-ын құрады.

Сәуір айында ішкі валюта нарығындағы жағдайдың тұрақтануы аясында Ұлттық Банк валюталық интервенцияларды жүргізген жоқ. Қысқа мерзімді перспективада геосаяси жағдайдың белгісіздігіне байланысты теңгенің құбылмалылық тәуекелдері сақталады. Ұлттық Банк теңгерімсіздіктің жинақталуын болдырмайтын және алтын-валюта резервтерінің сақталуын қамтамасыз ететін икемді айырбас бағамы режимін сақтауды жалғастырады. Ғалымжан Пірматов

Оқи отырыңыз