Қазақстанда коронавирусқа қарсы барлық карантиндік шаралар алынып тасталды - ДСМ
Сурет: Zakon.kz
ҚР Денсаулық сақтау министрі Ажар Ғиният Орталық коммуникациялар қызметінде өткен брифингте елімізде коронавирус бойынша эпидемиологиялық жағдай тұрақты екенін айтты. Осыған байланысты елімізде барлық карантиндік шаралар алынып тасталды, деп хабарлайды Zakon.kz.
Ажар Ғиният бүгінде еліміздің барлық өңірлерінде коронавирус бойынша эпидемиологиялық жағдай тұрақты екенін айтты.
Оның айтуынша, республика бойынша орта есеппен күніне 10 шақты КВИ жағдайы тіркеледі. Науқастардың 95%-дан астамы сауығып кетті.
Өздеріңіз білетіндей, өңіраралық комиссия отырысында шектеу шараларын жеңілдету мәселелері қаралды – бүгінде елімізде барлық карантиндік шаралар алынып тасталды. Дүниежүзілік денсаулық сақтау ұйымының мәліметі бойынша, соңғы аптада әлемде COVID-19 ауруының көрсеткіші 12%-ға төмендеген. Қазақстан Республикасы Денсаулық сақтау министрлігінің басшысы Ажар Ғиният
Айта кетейік, 17 мамырдағы жағдай бойынша Қазақстанның үш облысында бір тәулікте коронавирус инфекциясының тек алты жаңа жағдайы анықталған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
