Қасым-Жомарт Тоқаев Әл-Фараби атындағы Қазақ ұлттық университетіне барды
![президент сапары, сурет - Zakon.kz жаңалық 01.06.2022 14:01](https://kaz.zakon.kz/pbi/WEBP/2023-12-20/file-00decc0f-6663-483d-a328-dca7cc3163ea/800x451.webp)
Ғалымдар мен студенттер Мемлекет басшысына нейроғылым, денсаулық сақтау, туризм, агрохимия, құрылыс технологиясы, жасанды интеллект және биотехнология салаларындағы өздерінің ғылыми-инновациялық жобаларының мүмкіндіктері туралы айтты.
![президент казгуге барды, сурет - Zakon.kz жаңалық 01.06.2022 14:01](https://kaz.zakon.kz/pbi/WEBP/2023-12-20/file-cf84f53e-721b-4281-9524-b0634b020a25/800x451.webp)
Сурет: akorda.kz
Президентке университеттің инфрақұрылымын кеңейту жоспары жөнінде мәлімет берілді. Қасым-Жомарт Тоқаевқа жоспарланған құрылыс нысандарының жобасы және жаңғыртылған оқу корпустары, жатақханалар мен қызметтік тұрғын үй таныстырылды.
Іс-шара соңында Қасым-Жомарт Тоқаев жас оқытушылармен, ғалымдармен және студенттермен, соның ішінде шетелдіктермен әңгімелесті.
Студенттер жастарға ерекше көңіл бөлетіні үшін Мемлекет басшысына алғыс айтып, еліміздегі ауқымды реформаларды қолдайтынын жеткізді.
![президент сапары, сурет - Zakon.kz жаңалық 01.06.2022 14:01](https://kaz.zakon.kz/pbi/WEBP/2023-12-20/file-f6ed367b-1d71-4783-9516-efd380d18eb7/800x451.webp)
Сурет: akorda.kz