Түркістан облысында ер адам жалған чекпен 10 қап қант сатып алған

Ордабасы аудандық ішкі істер бөліміне жергілікті тұрғын арызбен жүгінген. Әйелдің айтуынша, танысы одан азық-түлік дүкенінен 10 қап қант сатып алып, жалған түбіртек көрсеткен, деп хабарлайды Zakon.kz.

Жәбірленушіге келтірілген шығын 180 мың теңгеден асады. Көп ұзамай полицейлер күдіктіні анықтады. Бұл жергілікті тұрғын болып шықты. Ол полиция бөліміне жеткізілді.

Белгілі болғандай, жас жігіт «оңай жолмен» ақша табуға шешім қабылдады. Күдікті жалған чек көрсетіп, тауарды алып, оқиға орнынан бой тасалаған.

Содан кейін ол қант салынған қаптарды сатып, ақшаны өз қажеттіліктеріне жұмсады. Қазір күдіктіге қатысты тергеу амалдары жүргізілуде. Барлық мән-жайлар анықталды. Аталған факті ҚР ҚК-нің 190-бабы «Алаяқтық» бойынша тіркелді.