Алматыда электрлі самокаттарды жүргізу үйретіледі

Сурет: Zakon.kz

Кәмелетке толған ниетті барлық жанға қалада электрлі самокатты дұрыс әрі қауіпсіз пайдалану үйретіледі, деп хабарлайды Zakon.kz.

Алматы әкімдігімен жасасқан меморандум аясында электрлі самокаттарды жалға беру компаниясының нұсқаушылары оқытады. Қала тұрғындары дұрыс жүргізуді және тұраққа қою үйреніп, микромобильді көліктерге арналған жол ережесімен танысады. Қауіпті жағдай мен жазатайым оқиғаға әкелетін ең жиі кездесетін қателіктер мен жол ережесін бұзу жайттары талданады, – делінген Алматы әкімдігінің хабарламасында.

Дәріс алғандар тест тапсырып, бонусы бар промокод алады да электрлі самокатпен сағатына 25 шақырым жылдамдықпен жүре алады. Ал оқымағандарға жылдамдық 20 км/сағ шектеледі. Сабақ апта сайын қаланың әртүрлі жерінде өтеді.

Самокат жүргізіп үйренгісі келгендер осы аптада «Атакентке» орталық кіре беріс алдында, Тимирязев пен Әуезов көшелерінің қиылысына келуі керек. Сабақтар 19 тамыз күні сағат 12:00-ден 20:00-ге дейін, 20 және 21 тамызда сағат 13:00-ден 21:00-ге дейін өтеді.

Оқи отырыңыз