Жаңалықтар тізбегі
0

Алматы облысында жүргізуші велосипедтегі зейнеткерді қағып кетті

Зейнеткерді қағып кетті Сурет: polisia.kz
Алматы облысының полициясы велосипедтегі зейнеткерді қағып кеткен жүргізушіні ұстады, деп хабарлайды Zakon.kz.

21 тамызда сағат 19:36 шамасында Жамбыл аудандық ПБ-ға Таран ауылына кіре берісте белгісіз көлік велосипедшіні басып, оқиға орнынан қашып кеткені туралы хабарлама келіп түсті.

Жол апаты салдарынан 81 жастағы ер адам Жамбыл ауданының орталық аудандық ауруханасына жеткізілді. Кейін әлеуметтік желілерде жол-көлік оқиғасы болған жерден кадрлар тарады.

Іздестіру іс-шаралары барысында полиция қызметкерлері ЗАЗ Chance автокөлігін басқарған Қарасай ауданының 61 жастағы тұрғынын анықтады.

Құқық бұзушыға қатысты ҚР ӘҚБтК-нің 610-бабының 2-бөлігі (Көлiк құралдары жүргiзушiлерінiң жол жүрісі қағидаларын адамдардың денсаулығына зиян келтiруге, көлiк құралдарының немесе өзге де мүлiктiң бүлінуіне алып келген бұзушылығы), 611-бабының 2-бөлігі (ЖКО орнын қалдыру) және 608-бабының 3-бөлігі (Жүргізушінің көлік құралын алкогольдік, есірткілік және (немесе) уытқұмарлық масаң күйде басқаруы, сол сияқты көлік құралын алкогольдік, есірткілік және (немесе) уытқұмарлық масаң күйдегі адамның басқаруына беру) бойынша әкімшілік іс қозғалды.

Қазіргі уақытта ұсталған азамат қамауға алынды. Автокөлік айып тұрағына қойылды. Жүргізушінің мас болу дәрежесін анықтау үшін химика-токсикологиялық сараптама тағайындалды.

Тағайындалған сараптамалық зерттеулердің нәтижелері бойынша ЖКО материалдары негізінде түпкілікті шешім қабылданатын болады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: