Еуропадағы газдың бағасы мың текше метріне 2800 доллардан асты

Лондондық ICE биржасының мәліметі бойынша, газ фьючерстерінің есеп айырысу бағасы 1000 текше метр үшін 2 861,6 доллар деңгейінен асып түсті және осылайша 1996 жылдан бері тарихи максимумға жетті, деп хабарлайды Zakon.kz.

Қыркүйек фьючерстері 2 766,5 долларға ашылды, бұл алдыңғы сауда күніндегі есеп айырысу бағасынан 9%-ға жоғары. Нұр-Сұлтан уақытымен 12:16-да олар 12,7%-ға өсіп, 2862 долларды құрады.

Ресейлік сарапшылар газ бағасының қымбаттауын «Газпромның» «Солтүстік ағын 1» желісін жөндеу жұмыстарына байланысты тоқтату туралы мәлімдемесімен байланыстырады.