Үндістанда оқушылар мен студенттер мінген автобус шатқалға құлап кетті

автобус, сурет - Zakon.kz жаңалық 15.09.2022 14:48

Сурет: Алматы әкімдігі

Үндістанның солтүстігінде қайғылы оқиға болды: мектептің шағын автобусы шатқалға кіріп кетті. Апат салдарынан 11 адам қаза тауып, 29-ы жарақат алды. Автобуста барлығы 40-қа жуық жолаушы болған, деп хабарлайды Zakon.kz.

Автобуста мектеп оқушылары мен студенттер болған. Жергілікті биліктің хабарлауынша, автобус жолдан шығып кетіп, Пунч Джамму ауданындағы Савжян ауылы маңындағы шатқалға құлаған.

Зардап шеккендер ауруханаға жатқызылды, деп жазады indiatoday.in. Қаза тапқандар саны артуы мүмкін, өйткені көптеген жолаушылардың жағдайы ауыр.

Үндістан премьер-министрі Нарендра Моди адамдардың қаза болуына байланысты көңіл айтты. Ол марқұмның туыстарына 2 000 000 рупий (11 936 465 теңге) жәрдемақы төлейтінін жариялады. Ал зардап шеккендерге 50 000 рупий (298 411 теңге) беріледі.

11 Killed due to student bus crash in India

After a minibus carrying students fell into a deep valley in Indian Kashmir, at least 11 people were killed and more than 29 others were injured. pic.twitter.com/LEjGbYryrs
— ACROSS THE LINE (@ErajChangizian) September 14, 2022