Сеулдің орталығында қазақ ауылы пайда болды
Сурет: pixabay
Биыл, Сеулде Астана мен Ханой арасындағы дипломатиялық қарым-қатынастың орнағанына 30 жыл толды, деп хабарлайды «Астана» телеарнасы.
Азиялық фестиваль Сеулдегі ең көп баратын орындардың бірі – Ханганг өзенінің жағасындағы Йоуидо саябағында өтті. Мұнда вьетнамдық және қазақстандық павильондар орнатылды. Үш күн ішінде бірнеше ондаған мың оңтүстік кореялықтар біздің көрікті жерлермен танысып, киіз үйді аралап, Шымбұлаққа виртуалды түрде барды.
Сеулдіктер саябаққа негізінен балалармен келген. Оларды нағыз ауылда Корея қазақ диаспорасының өкілдері қарсы алды. Қонақтарға бауырсақпен шай берілді. Балалар өздері қағаздан киіз үй жасап, Шымбұлақта шаңғы теуіп, домбыра мен қобыздың үнін алғаш рет естіді.
Ал келушілерге Қазақстанның кәсіби әртістері – «Тұран» ансамблі мен Әйгерім Әшімова өнер көрсетті. Көпшілік үшін бұл Корея халық ауыз әдебиетіндегідей Қазақстанда көмей әнінің бар екендігі және корей әуендері қобызда жағымды естіледі деген жаңалық болды.
Қазақ ауылында көрермендер Қазақстанның табиғаты туралы фото және бейнероликтерді тамашалады. Елімізде корей театры бар екенін, онда жүз мыңнан астам кәріс тұратынын білдік. Бұл туралы 1937 жылғы депортацияға арналған тақырыптық стендтер айқын айтып берді.
Ауылда ең танымал екі метрлік батырлар – «Арлан жеті» қазақ театрының әртістері болды. Сеулде мұндай ұзын бойлы жігіттерді көрмейсің, сондықтан адамдар олармен суретке түсу үшін кезекке тұрды. Сондай-ақ сеулдіктердің фото топтамасында қазақтың ұлттық киімдеріндегі көптеген фотосуреттер пайда болды.
Корея әлі пандемиядан айыға қойған жоқ, барлық шектеулер жойылған жоқ. Сондықтан жергілікті тұрғындар үшін ауыл шетелге шықпай-ақ Қазақстанды білуге жақсы мүмкіндік.
Астана мен Сеул арасында мәдени алмасу жылы деп жарияланған 2022 жылдың соңына дейін оңтүстік кореялықтар қазақ киносының көрсетілімдерін тегін тамашалай алады.
