Қазақстанның солтүстігі мен солтүстік-батысында қатты жауын-шашын мен көктайғақ күтіледі

2022 жылғы 22 қазанда Қазақстан аумағының басым бөлігінде тұрақсыз ауа райы сақталады, соған байланысты жаңбыр жауады, деп хабарлайды Zakon.kz.

«Қазгидромет» РМК мәліметі бойынша, республиканың батысында, солтүстігінде, шығысында және солтүстік-батысында жаңбыр мен қар түріндегі жауын-шашын, солтүстік және солтүстік-батысында қатты жауын-шашын мен қар жауады.

Қазақстанның батысында, солтүстік-батысында, солтүстікте желдің күшеюі, республиканың орталығында тұман күтіледі, делінген хабарламада.

Бұған дейін синоптиктер 2022 жылдың 22-24 қазанында Қазақстанда ауа райы қандай болатынын айтқан болатын. Болжам бойынша, еліміздің оңтүстік және шығыс аймақтарында күн күрт суытады.