30 қазанда еліміздің оңтүстігі мен оңтүстік-шығысында жауын-шашын болатыны болжанады
Сурет: unsplash
Синоптиктер болжамына сәйкес, еліміздің оңтүстігінде, оңтүстік-шығысында қатты жауын-шашын (жаңбыр, қар) болады деп күтіледі.
Тек Ақмола, Солтүстік Қазақстан, Шығыс Қазақстан облыстарында жауын-шашынсыз ауа-райы сақталады. Республикамыз бойынша тұман, көктайғақ болады, қатты жел тұрады деп күтіледі. "Қазгидромет" РМК
Сондай-ақ, синоптиктер Астана, Алматы және Шымкент қалаларындағы ауа райы болжамымен де бөлісті.
Астанада құбылмалы ауа райы сақталып, күн бұлтты болады, күндіз - аздаған жауын-шашын (жаңбыр, қар) болады деп болжанады. Оңтүстік-шығыстан соққан желдің екпіні 2-7 м/с құрайды, ауа температурасы түнде 4-6 градус аяз, ал күндіз 2-4 градус жылы болады деп күтіледі.
Алматыда күннің екінші бөлігінде жаңбыр жауады деп күтіледі. Соққан желдің екпіні - 3-8 м/с. Ауа температурасы түнде 4-6 градус, күндіз 13-15 градус жылы болады.
Шымкентте құбылмалы ауа райы сақталып, күн бұлтты болады, таңертең және түстен кейін қатты жаңбыр жауады. Батыстан соққан желдің екпіні 8-13 м/с, таңертең және түстен кейінгі желдің екпіні 15-20 м/с құрайды. Ауа температурасы түнде 6-8 градус, күндіз 10-12 градус жылы болады.
Синоптиктер алдында демалыс күндері еліміздің бірқатар өңірінде боран соғып, көктайғақ, тұман болатындығы туралы болжамын жариялаған еді.
