Алматыда жігіт пен қыздың арасындағы жанжал соңы жаппай төбелеске ұласты

Әлеуметтік желіде Алматыдағы «Алтын бұлақ» тұрғын үй кешеніндегі жаппай төбелестің видеосы тарай бастады, деп хабарлайды Zakon.kz.

Полиция оқиғаға қатысты түсініктеме берді. Төбелес 30 қазан күні сағат 9:00 шамасында болған.

Алдын ала мәлімет бойынша, жанжал таныс жастар арасында болған. Оған себеп - жігіттердің бірі мен оның сүйіктісінің арасындағы жанжал.

Төбелеске қатысушылар ұсталды. Қазір тергеу амалдары жүргізілуде.

19 қыркүйекте Алматыда студенттердің жаппай төбелесі болды. Құрбандар мен зардап шеккендер жоқ.