Қазан айында Қазақстанда баспана бағасы қалай өзгерді

Үйді жалға алу қанша тұрады, сурет - Zakon.kz жаңалық 08.11.2022 17:58

Сурет: freepik

Ұлттық статистика бюросының мәліметінше, бір жылда (2021 жылдың қазанынан 2022 жылдың қазанына дейін) қайталама нарықтағы пәтерлердің бағасы 27,1%-ға, жаңа тұрғын үй бағасы 16,6%-ға қымбаттады, деп хабарлайды Zakon.kz.

Сонымен қатар, 2022 жылдың қазан айында жайлы тұрғын үйді жалға алу өткен жылдың сәйкес айымен салыстырғанда 54,2%-ға өсті.

Орташа алғанда қазан айында бір шаршы метрге бағалар:

Бастапқы нарық – 430 669 теңге;
қайталама нарық – 484 918 теңге;
жалға алу – 4 870 теңге.

Өңірлерге қарасақ, бастапқы тұрғын үй нарығындағы барлық бағалардың басым бөлігі бір жылда Ақтөбеде – 30,3%-ға, Өскеменде – 26,3%-ға, Қостанайда – 25,4%-ға өскен.

Қайталама тұрғын үй нарығында баға өсімі бойынша көшбасшылар: Талдықорған (44,6%), Семей (44%), Ақтау (43,3%), Ақтөбе (42,4%) болды.

Тұрғын үйді жалға беру нарығында бұрынғысынша Алматы (89,7%), Қарағанды (64,2%) және Қостанай (58,5%) қалалары да көш бастап тұр.

Бұл ретте, бір айда (қыркүйектен бастап) қайта сатылатын пәтерлердің бағасы 2,1%-ға, жаңа тұрғын үйді сату 0,9%-ға өсті. Жалдау ақысы 5,6%-ға өсті.

Оқи отырыңыз