Президенттікке үміткер Қарақат Әбден үгіт-насихат видеосын жариялады

10 қарашада президенттікке үміткер Қарақат Әбден Facebook парақшасында видео жариялады. Бейнероликте Әбденнің далада атқа мініп бара жатқанын көруге болады, деп хабарлайды Zakon.kz.

Бейне жазбасында Қарақат Әбден: «Атпен жүрген-еркіндік. » деп атап өтеді.

«Қазақ сол еркіндікті сезіну үшін атқа мінген. Мен де сол». Қарақат Әбден

Ол: «Біз бақытты халықпыз, кең даланың, асқар таулардың иесіміз. » деп қосты.

Оның айтуынша, осы байлықты келесі ұрпаққа табыстау, бізге сын.

"Ердің де, елдің де тағдырын шешетін басты тұлға - қазақ әйелі. Қазақтың қызы - ел айнасы", - делінген хабарламада.

"Мен Қарақат Әбден. Маған дауыс беріңіз", - деп қорытындылады Қазақстан президенттігіне кандидат.

Қазақстанда кезектен тыс президент сайлауы 20 қарашаға белгіленген.