Қасым-Жомарт Тоқаев: Қазақстан – Түркі әлемінің атажұрты

11 қарашада өткен Түркі мемлекеттері ұйымының саммитінде Қазақстан президенті Қасым-Жомарт Тоқаев Түркі мемлекеттері ұйымының халықаралық рөлі артып келе жатқанын атап өтті, деп хабарлайды Zakon.kz.

Мемлекет басшысы "Қазақстан Түркі әлемінің атажұрты саналатынын" тілге тиек етті.

Өздеріңізбен жан-жақты қарым-қатынасты дамытуға айрықша мән береміз. Сондықтан, ықпалдастығымызды одан әрі нығайтуға және оны жаңа белеске көтеруге мүдделіміз.Қасым-Жомарт Тоқаев

ҚР Президенті ТҮРКСОЙ, ТүркПА және Түркі Академиясы сияқты ұйымдар Қазақстанның бастамасымен құрылғанын атап өтті.

"Бұл ұйымдар бауырлас елдердің мәдени-рухани жақындасуына өлшеусіз үлес қосып отыр" – деді Мемлекет басшысы.

Саммит барысында Тоқаев Түркі мемлекеттері ұйымының Цифрландыру орталығын құруды ұсынды.