Алтай Көлгінов ҚР премьер-министрінің орынбасары қызметіне тағайындалды
![ҚР пермьер-министрінің орынбасары, сурет - Zakon.kz жаңалық 09.12.2022 10:19](https://kaz.zakon.kz/pbi/WEBP/2023-12-20/file-e50da215-25eb-45ed-af89-878d81bc99a6/800x451.webp)
"Алтай Сейдірұлы Көлгінов Қазақстан Республикасы премьер-министрінің орынбасары лауазымына тағайындалсын" – деп жазылған Ақорданың ресми сайтында жарияланған жарлықта.
Алтай Көлгінов1978 жылы дүниеге келген.
Білімі:
А.Яссауи атындағы халықаралық қазақ-түрік университетін, Қазақстан Республикасы Президенті жанындағы мемлекеттік басқару академиясын, "Болашақ" бағдарламасы бойынша Ұлыбританияның Абердин университетін бітірген. Мемлекеттік және жергілікті басқару магистрі, халықаралық коммерциялық құқық магистрі.
Еңбек өтілі:
2000-2001 жылы Қазақстан Республикасының Қарулы күштерінде қызмет еткен;
2001-2008 жылдары Әділет министрлігі, Мемлекеттік қызмет істері агенттігі және Бас прокуратура органдарында қызмет атқарады;
2008-2010 жылдары — "Алаш Медиа Групп" ЖШС бас директорының орынбасары;2010-2012 жылдары Президент әкімшілігінің аймақтық-ұйымдастыру және мемлекеттік бақылау жұмыстары бөлімінің мемлекеттік инспекторы.
2012-2013 жылдары Батыс Қазақстан облысы әкімінің орынбасары.
2013 жылдың 4 сәуірінен Орал қаласының әкімі.
2016 жылдың 26 наурызынан Батыс Қазақстан облысының әкімі.
2019 жылдың 13 маусымнан бастап Астана қаласының әкімі қызметін атқарды.