Астана әуежайының өкілдері жолаушыларға хабарландыру айтты

6 ақпанда елорда әуежайы қаладан ұшып кететін жолаушыларға үндеу жариялады, деп хабарлайды Zakon.kz.

Әуежай таратқан ақпарат бойынша, 6-13 ақпан аралығында тексеру аймағындағы екінші қабаттағы ішкі рейстер терминалында жоспарлы жөндеу жұмыстары жүргізіледі.

Осыған байланысты әуежай өкілдері жолаушылардан әуежайға алдын ала келіп, қажетті рәсімдерден алдын ала өтуді сұрады.

Сондай-ақ әуе айлағының баспасөз қызметі жолаушыларға келтірілген қолайсыздық үшін кешірім сұрады.