Синоптиктер 24 ақпанда еліміздің қай өңірінде жауын-шашын болмайтынын айтты

Ауа райы болжамы, Қазақстан, сурет - Zakon.kz жаңалық 23.02.2023 15:42

Сурет: pixabay

Синоптиктер Қазақстан бойынша 2022 жылғы 24 ақпанға арналған ауа райы болжамын ұсынды, деп хабарлайды Zakon.kz.

"Қазгидромет" РМК таратқан мәліметке сүйенсек, атлантикалық циклонның әсерінен еліміздің басым бөлігінде ауа райы тұрақсыз болады.

Синоптиктердің болжауынша, жұма күні кей өңірде қар аралас жаңбыр жауады, тек батыста, оңтүстікте, оңтүстік-шығыста күн райы жауын-шашынсыз болады.

Сондай-ақ көктайғақ, тұман, найзағай, бұрқасын болжанды.

Астана қаласы: көшпелі бұлтты, түнде аздаған қар жауады. Жаяу бұрқасын болады. Оңтүстік-батыстан жел соғады, күші 9-14, күндіз екпіні 15-20 м/с. Ауаның температурасы түнде және күндіз -7-9°С, күндіз одан әрі төмендейді.

Алматы қаласы: көшпелі бұлтты, жауын-шашынсыз. Жел 0-5 м/с. Ауаның температурасы түнде +2+4°С, күндіз +13+15°С болады.

Шымкент қаласы: көшпелі бұлтты, таңертең және күндіз жаңбыр жауады. Оңтүстік-батыстан соғатын жел солтүстік-батысқа ауысқанда күші 8-13, таңертең және күндіз екпіні 15-20 м/с. Ауаның температурасы түнде +6+8°С, күндіз +14+16°С болады.