Жаңаөзендегі жарылыс кезінде баспанасыз қалғандар үйлі болды
Сурет: Төтенше жағдайлар министрлігінің баспасөз қызметі
Жаңаөзенде болған төтенше жағдай салдарынан баспанасыз қалған барлық отбасыға пәтер сатып алынды, деп хабарлайды Zakon.kz "Қазмұнайгаздың" баспасөз қызметіне сілтеме жасап.
Жаңаөзенге жұмыс сапары кезінде "ҚазМұнайГаз" ұлттық компаниясы АҚ басқарма төрағасы Мағзұм Мырзағалиев 2023 жылғы 17 сәуірде көпқабатты тұрғын үйдегі жарылыс салдарынан көз жұмған жандардың отбасына барып, өзінің және компания атынан көңіл айтты.
"Бұл өте ауыр жағдай. Сіздердің қайғыларыңызға ортақпыз, мықты болыңыздар. Бастарыңызға сынақ түскен кезде біз шет қалмай, баспанасыз қалған отбасыларға пәтер алып бердік. Осындай сын сағатта сіздер үшін қолымыздан келгенді жасап жатырмыз", - деді ҚМГ басшысы.
Қазіргі уақытта төтенше жағдай салдарынан баспанасыз қалған 9 отбасыға жанұядағы адам санына байланысты екі бөлмелі 2 пәтер, үш бөлмелі 5 және бес бөлмелі 2 пәтер сатып алынған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
