Аяз, қар, жаңбыр: 2 мамыр күні Қазақстанда ауа райы қандай болады

Сурет: pixabay

"Қазгидромет" РМК-ның мәліметінше, батыста, оңтүстік-батыста жаңбыр жауады, Маңғыстау облысында кей уақытта күндіз қатты жауын болады, деп хабарлайды Zakon.kz.

Шығыста және оңтүстік-шығыстың таулы аймақтарында жауын-шашын жауады. Алматы облысында кей уақытта қатты жауын-шашын болады.

"Қазақстанда жел күшейіп, республиканың батысында, оңтүстігінде, оңтүстік-шығысында күн күркіреп, оңтүстік-шығыстың таулы аймақтарында бұршақ жаууы мүмкін. Солтүстік пен шығыста тұман, оңтүстік-батыс пен оңтүстікте шаңды дауыл болады", - делінген хабарламада.

Болжам бойынша түнде Ақмола, Павлодар, Солтүстік Қазақстан, Қарағанды облыстарында, Алматы облысының таулы аймақтарында 1-6 градус аяз, Қостанайдың солтүстік-шығысында, Ұлытаудың солтүстігінде, таулы аймақтарында 1-6 градус аяз, Жетісу облыстарында 2 градус аяз болады.

Синоптиктер 2 мамырда елорда мен еліміздің екі мегаполисінде ауа райы қандай болатынын да хабарлады:

Астанада көшпелі бұлт шығады, жауын-шашынсыз. Солтүстік-шығыстан екпіні секундына 3-8 метр жел соғады. Ауа температурасы түнде 1-3 градус аяз, күндіз 13-15 градус жылы;
Алматыда көшпелі бұлт шығады, жауын-шашынсыз. Солтүстік-шығыстан екпіні секундына 3-8 метр жел соғады. Ауа температурасы түнде 6-8, күндіз 15-17 жылы;
Шымкентте көшпелі бұлт шығады, жауын-шашынсыз. Шығыстан соғатын жел екпіні секундына солтүстік-шығыстан 8-13 метр, күндіз 15-20 метр болады. Ауа температурасы түнде 12-14, күндіз 24-26 жылы.

Оқи отырыңыз