Спорт жаңалықтары 
Астананың жаймашуақ күндерінен фотолар
Сурет: Zakon.kz
Ұзақ қыс бен боран біткенде елорда тұрғындары ерекше қуанады. Себебі бұл жақтың халқы көктем мен жазға аңсап жетеді. Сондықтан болар жұмыстан басқа уақытта серуендеп жүретін адам көп.
Сурет: Zakon.kz
Жаяу жүргісі келетін адамдарға аллеялар да көп. Дәл қазір жасыл желек те жайқалып, серуенді көркем ете түседі
Бұл Астанадағы Ботаника бағы. Жан-жағының бәрі ашық, кез келген жағынан кіріп, жаяу жүріп қана қоймай, спортпен шұғылдана аласыз.
Сурет: Zakon.kz
Бақтың субұрқақтары да қосылып тұр. Ол ескен самалды салқын етеді, қаланың шуын су дыбысымен басады.
Экспо көрмесінің алаңқайы да сергіп қайтуға таптырмас жер. Мұнда балаларға арналған алаңқай, тіпті ересектерге де әткеншек бар.
Сурет: Zakon.kz
Сурет: Zakon.kz
Әсіресе күн бата бастаған шақта саябақтарда серуендеп жүрген адамдарды көп кездестіруге болады. Іскер қаланың халқы жұмыстан қайтқан кезді пайдалы өткізуге тырысады.
Сурет: Zakon.kz
Спорт жаттықтырушылары да жаттығуды сыртта өткізіп жатады. Бір топ ер балалар баспалдаққа секіре мініп-түсіп, аяқ бұлшықетін жаттықтырып жатқанға ұқсайды.
Сурет: Zakon.kz
Ботаника бағынан шығып, әрірек жүрсеңіз Мәңгілік ел қақпасынан бір-ақ шығасыз. Екі ортада "Ұлытау" аллеясы орналасқан. Аллея бойымен жүріп, Ұлытау өңірінің тарихымен танысуға болады.
Сурет: Zakon.kz
Әткеншек маңында оқушылар көп. Биыл мектептерде соңғы қоңырау 1 маусым күні соғылмақ. Оқушылар оқу жылы бітетін сәтті асыға күтіп жүрген болуы керек. Оларды алда үш ай жазғы каникул күтеді.
Сурет: Zakon.kz
Астананың саябақтарында жай серуендемей, жүгіріп, велосипед айдап, дене шынықтыруға жағдай жасалған. Қысы жазы бір түсте болатын шыршалар да айналаға сән беріп тұр.
Сурет: Zakon.kz
Айтпақшы, Ботаника бағының ішінде арнайы Оранжерея бар. Күндіз ашық болады. Ол субұрқақ пен көпірдің қасында.
Сурет: Zakon.kz
Бас қалада жаңа үйлер көптеп салынады. Тіпті тұрғындар таңғы уақытта құрылыс техникасының даусынан оянады.
Сурет: Zakon.kz
Тәтті мақта, сусын мен балмұздақтың қызу сатылатын кезі. Піскен жүгері тағы бар.
Сурет: Zakon.kz
Дегенмен әкімдік саябақтарда, көше мен аллеяларда тәртіпті сақтай отырып демалуды ескертеді. Жан жағымыздың әдемі әрі таза болғаны бәрімізге жақсы емес пе?!
Сурет: Zakon.kz
Ботаника бағы 2018 жылы ашылған. Жан-жағында жаңа үйлер көп. Серуендеп жүрген зейнеткер ерлі-зайыпты үйді арнайы осы бақтың қасынан алдық дейді. Себебі кез келген уақытта шығып, серуендеуге ыңғайлы.
Сурет: Zakon.kz
Айта кетейік, бас қалада серуен мен көкте демалуға болатын саябақтар жеткілікті. Оның үстіне синоптиктер елімізде күн 38 градусқа дейін ысиды деп болжады.
