Қызылорда тұрғынының үйінен аса ірі мөлшердегі есірткі мен қару табылды
![полиция, сурет - Zakon.kz жаңалық 29.05.2023 23:15](https://kaz.zakon.kz/pbi/WEBP/2023-12-20/file-607da195-1d4a-4d7c-98f6-571f6e0429a2/800x450.webp)
Қала тұрғынының үйінен 4 сіріңке қорабына, 1 полиэтилен пакетке салынған өзіне тән иісі бар жасыл түсті шөп, 100 шағын пластик ыдысқа салынған сора өсімдігінің тұқымы және 11 оғы бар травматикалық тапанша, сондай-ақ кастет табылды. Тағайындалған сараптама қорытындысына сәйкес, тәркіленген шөп тәріздес зат салмағы 1 келіден астам кептірілген марихуана болып шықты. Сонымен қатар тәркіленген травматикалық тапаншаның атуға жарамды екендігі белгілі болды. Күдікті уақытша ұстау изоляторына қамауға алынды.
![полиция, сурет - Zakon.kz жаңалық 29.05.2023 23:15](https://kaz.zakon.kz/pbi/WEBP/2023-12-20/file-f6b07eda-d82b-43a0-a90d-fbda1d91f831/800x484.webp)
Сурет: polisia.kz
Бұл дерек бойынша ҚР Қылмыстық кодексінің 297-бабымен ("Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу") және 287-бабының 2-бөлігімен ("Қаруды, оқ-дәрiлердi, жарылғыш заттарды және жарылыс құрылғыларын заңсыз иемдену, беру, өткiзу, сақтау, тасымалдау немесе алып жүру") сотқа дейінгі тергеп-тексеру әрекеттері жүргізіліп жатыр. Полицейлер оқиғаның мән-жайын анықтайды.
![полиция, сурет - Zakon.kz жаңалық 29.05.2023 23:15](https://kaz.zakon.kz/pbi/WEBP/2023-12-20/file-1d564923-0a5b-41c5-b1bf-1ea86b273f50/800x446.webp)
Сурет: polisia.kz