Абай облысының әкімдігі жоғалған 14 қызметкердің өлі табылғанын жоққа шығарды

Әлеуметтік желілер мен мессенджерлерде өрт кезінде жоғалып кеткен орманшылықтың барлық 14 қызметкері өлі табылды деген ақпарат тарала бастады, деп хабарлайды Zakon.kz.

Абай облысының әкімідігі бұл ақпарат шындыққа жанаспайтынын хабарлады.

ҚР ТЖМ растаған ресми деректерге сәйкес, орман шаруашылығында қаза тапқан үш қызметкер табылды.

Тағы 11-і әлі іздестіріліп жатыр.

Еске салайық, бұған дейін Абай облысындағы алапат өртке байланысты Мемлекет басшысы Қасым-Жомарт Тоқаевтың 11-13 маусым күндері Вьетнамға жоспарланған ресми сапары кейінге шегергенін хабарлаған едік.

Алапат өртке байланысты Президент ҚР ТЖМ басшысы Юрий Ильинге Абай облысына шұғыл жетуін, табиғи апатқа қарсы күрес бойынша жұмысты басшылыққа алуын тапсырды.