Синоптиктер 14 маусымда Қазақстанның қай жерінде жауын-шашын болатынын айтты
![Синоптиктер 14 маусымда Қазақстанның қай жерінде жауын-шашын күтілетінін айтты, сурет - Zakon.kz жаңалық 13.06.2023 16:59](https://kaz.zakon.kz/pbi/WEBP/2023-12-20/file-c2d8d015-c704-4039-a891-01530391bfb6/800x450.webp)
"Қазгидромет" РМК мәліметінше, еліміздің басым бөлігінде ауа райы негізінен жауын-шашынсыз.
"Оңтүстік-шығыс, солтүстік-шығыс, шығыс, шеткі батыста, күндіз Қазақстанның орталығында қысқа мерзімді жаңбыр жауып, найзағай ойнайды, бұршақ жаууы мүмкін", - деп хабарлады синоптиктер.
Республикада желдің күшеюі сақталады, оңтүстікте, оңтүстік-батыста, орталықта – шаңды дауылмен, солтүстікте – тұман.
Маңғыстау, Атырау, Батыс Қазақстан, Қызылорда облыстарының басым бөлігінде, Ақтөбенің оңтүстігінде, Түркістан облыстарының шөлді аймақтарында қатты ыстық күтіледі.
Атырау облысының оңтүстігінде өте қатты ыстық сақталады.
Астанада – көшпелі бұлт шығады, жауын-шашынсыз. Солтүстік-шығыстан 9-14 м/с жел соғады. Ауа температурасы түнде +6+8°С, күндіз +21+23°С.
Алматыда – көшпелі бұлт шығады, жауын-шашынсыз. Солтүстік-шығыстан 3-8 м/с жел соғады. Ауа температурасы түнде +18+20°С, күндіз +30+32°С.
Шымкентте көшпелі бұлт шығады, жауын-шашынсыз. Шығыстан соғатын жел 8-13 м/с. Ауа температурасы түнде +20+22°С, күндіз +36+38°С.