Жаңалықтар тізбегі
0

Білім беру гранттары иегерлерінің тізімі қашан жарияланады

ҰБТ Сурет: Ұлттық тестілеу орталығы
Ұлттық тестілеу орталығы ҰБТ қорытындысы бойынша білім беру гранттары иегерлерінің тізімі қашан жарияланатынын айтты, деп хабарлайды Zakon.kz.

ҰБТ басталғалы шекті балды 78%-ға жуық талапкер жинады. Орташа балға келетін болсақ, ол 69 балды құрады. Ең жоғары балл – 137.

"ҰБТ-ның бесінші аптасы аяқталды. Осы аптада жоғары оқу орындарының қабылдау комиссиясы өз жұмыстарын бастап, 25 тамызға дейін оқуға түсуге құжаттарды қабылдайтын болады. Сондай-ақ, "Педагогикалық ғылымдар" және "Денсаулық сақтауға" түсушілер үшін міндетті болып табылатын емтихандар басталды. Жоо-лар 7 шілдеге дейін шығармашылық емтиханға қатысу үшін өтініштерді қабылдап, емтихандардың өзін 8-15 шілде аралығында өткізеді. Грант конкурсына құжаттарды қабылдау ҰБТ аяқталған соң, 13-20 шілде аралығында жүзеге асырылады. Мемлекеттік білім беру гранты иегерлерінің тізімі 10 тамызға дейін жарияланады", - деп атап өтті ҚР ҒЖБМ Ұлттық тестілеу орталығының директоры Руслан Емелбаев.

Айта кетейік, ерекше білім беру қажеттіліктері бар оқуға түсушілер үшін қолайлы жағдай жасаудың арқасында бес аптаның ішінде олар 606 рет ҰБТ-ға қатысты. Бүгінгі таңда 290 талапкер смартфон, шпаргалка және басқа да тыйым салынған заттарды алып өту әрекеті салдарынан тест тапсыру мүмкіндігінен айырылды. Тестілеу кезінде ережелерді бұзғаны үшін аудиториядан 229 адам шығарылып, олардың нәтижелері жойылды. Бөгде тұлғалар анықталған жоқ.

Айта кетсек, 2023 жылғы ҰБТ аяқталғаннан кейін күнтізбелік жылдың 31 қазанына дейін тестілеудің бейнежазбаларына талдау жүргізіледі. Тыйым салынған заттарды пайдалану немесе ережелерді бұзу фактілері анықталған жағдайда түсушінің ҰБТ нәтижелері жойылады.

Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Жаңалықтар трендінде болыңыз!
Хабарландыруларды қосыңыз және алдымен расталған жаңалықтарды алыңыз.

Браузерде хабарландыруларды кез келген уақытта өшіруге болады

Біздің хабарландыруға жазылыңыз!
Хабарландыру қосу үшін қоңырау белгісін басыңыз
Беттегі қате туралы хабарлаңыз
Мәтіндегі қате: