FlyArystan рейстің 13 сағатқа кешігуін түсіндірді

FlyArystan компаниясының Ақтау - Ақтөбе бағытындағы KC7778 рейсі Ақтаудағы ауа райының қолайсыздығына байланысты кейінге қалды, деп хабарлайды Zakon.kz.

Компанияның хабарлауынша, рейс Ақтау уақыты бойынша 3 шілдеде 21:10-ға алдын ала ауыстырылған.

Осы рейстің ұшуының кешігуі келесі ұшатын KS7777 (Ақтөбе – Ақтау) рейсінің кешігуіне себеп болды. Рейс алдын ала 3 шілдеде Ақтөбе уақытымен 23:10-ға ауыстырылды.

"FlyArystan қосымшасындағы Ұшу күйі бөлімі арқылы ағымдағы рейстің жөнелту уақытын бақылауды сұраймыз", - деп хабарлады компания.